Nakapiyansa na si kanhi Ilocos Sur Governor Luis “Chavit” Singson human nga nadakpan sa mga kapulisan tungod sa kasong cyberlibel nga giatubang niini.
Base sa report sa Quezon City Police District, nasikop si Singson niadtong Huwebes, pasado ala 1:18 sa hapon sa iyang panimalay didto sa Barangay Ugong Norte, Quezon City.
Nadakpan ang 84-anyos nga negosyante pinaagi sa pagpatuman sa warrant of arrest nga giisyu ni Judge Marie Gene Cecille Umali sa Regional Trial Court Branch 21, Vigan City, Ilocos Sur, pinetsahan niadtong Hunyo 10, 2026.
Human sa pagdakop gilayong gidala si Singson sa Police Station 12 alang sa booking, dokumentasyon ug legal nga proseso, apan giingong temporaryong nakagawas ang opisyal human nga makapiyansa og P60,000.00.
Photo Courtesy: Inquirer
