Dakpan ang usa ka lalaki human sa gikasang buy-bust operation nga gihimo sa Doña Rosa 1, Barangay Central, Mati City pasado alas 8:05 sa gabii niadtong nakalabay nga adlaw.
Gihimo ang operasyon pinaagi sa mga personahe sa Mati City Police Station, kauban ang DOPPO Provincial Intelligence Unit ug lain pang mga operatiba nga miresulta sa pagkasikop ni alyas “Ling,” 46 anyos ug residente sa maong lugar.
Nadakpan ang suspek human nakalapas sa Republic Act No. 9165 kun Comprehensive Dangerous Drugs Act of 2002 ug nakuha gikan sa iyang posisyon ang gituhoang shabu nga gibana banaang adunay kantidad nga Php2,040.00. Lakip sa nasakmit ang buy-bust money ug uban pang personal nga gamit nga maykalabutan sa maong operasyon.
Gilayong gimarkahan ug giimbentaryo ang mga nakumpiskang mga ebidenysa uban sa suspetsado ug sa mga testigo. Sa kasamtangan ang dinakpan gikustodiya na sa kapulisan alang sa hustong disposisyon ug angay nga pagpasaka ug kaso.
Photo Courtesy: Mati CPS
