Gikumpirma ni Foreign Ministry Spokesman Esmaeil Baqaei nga wala pa nila nakab-ot ang usa ka pinal nga desisyon kabahin sa posibleng kasabutan uban sa Estados Unidos, bisan pa man nga gipahibalo na ni US President Donald Trump nga adunay dakong husay aron matapos ang panagbangi tali sa duha ka nasud.
Kini ang gipahayag ni Baqaei human ipahayag ni Trump nga naglaum siya nga mapirmahan ang maong kasabotan sa Europe sulod sa umaabot nga mga adlaw.
Kalabot niini, gikataho sa Tasnim News Agency nga sa milabayng duha ka bulan muabot na ngadto sa kapin 30 ka higayon nga nag-anunsyo si Trump nga adunay kasabutan nga hapit nang makab-ot kauban ang Iran.
Samtang nagpahinumdom usab ang ahensya kabahin sa bisan unsang mga pamahayag ni Trump kalabot na sa maong isyu, diin gikinahanglan nga huna hunaon usa uban ang pag-amping hangtod sa aduna nay opisyal nga kumpirmasyon gikan sa Iran.
Photo Courtesy: Remate
