Nagbangga ang usa ka armored car ug motorsiklo sa Roxas Extension kanto Aquino Road sa Digos City.
Sumala sa driver sa motorsiklo, paliko na unta sila paingon sa wala nga bahin padulong sa PhilHealth ug ilang gituohan nga mohinay o mo-minor ang armored car. Apan, kalit kini nga nideretso ug didto nagkaigo ang duha ka sakyanan.
Dugang pa niya, wala kunoy signal light nga gigamit ang armored car maong wala nila matagna ang direksyon niini.
Wala pa’y opisyal nga report kon adunay naangol sa maong insidente samtang padayon pa ang imbestigasyon aron matino ang tinuod nga hinungdan sa pagbangga.
