Patay nang napalgan ang usa ka 43-anyos nga lalaki nga nagbuy-od sa Purok-1, Barangay Manlamonay, Don Carlos, Bukidnon niadtong Hunyo 11, 2026, sa may alas 7:20 sa buntag. Positibong giila sa iyang igsuon ang biktima kinsa residente ra usab sa maong dapit.
Sumala sa inisyal nga imbestigasyon sa Don Carlos Municipal Police Station (MPS) sa pagpanguna ni PMAJ Al-Nico R. Haman, walay nakit-ang bisan unsang timailhan sa foul play sa patay’ng lawas.
Gikabutyag sa mga kabanay ug silingan sa biktima nga aduna kini medikal nga kasaysayan sa sakit nga epilepsy ug kanunay atakihon. Gidugang pa nga hilabihan usab kini moinom ug kanunay magpabilin sa gawas aron mag-inom, diin naobserbahan pa kini sa iyang naandan nga buluhaton sa wala pa kini makita nga patay.
Tungod niini, gituohan sa kapulisan nga giatake ang biktima sa iyang sakit hinungdan nga natumba kini sa yuta nga miresulta sa iyang kamatayon.
Dinalian sab nga gidala ang lawas sa biktima sa Simbulan Hospital diin opisyal kining gideklara nga patay na.
