Nagsugod sa runway model ang usa ka 70-anyos nga lola sa Shanghai Disneyland. Karon, ang iyang tumong mao ang mabuhi nga gwapa hangtod 120-anyos.
Tungod niini, daghang mga lolo ug lola ang nakuyawan, samtang ang ubang 30-anyos naghunahuna na kon nganong sila pa ang murag gikapoy sa kinabuhi kumpara sa 74-anyos nga fashion icon.
Samtang sa pikas nga bahin, sa karon 74-anyos na ang maong lola og giingong mas bata pa tan-awon kaysa sa iyang anak, nga nakapaviral sa social media.
Siya naila sa pangalang Yingzi, nga adunay kapin duha ka milyon ka followers sa social media, nag-viral tungod sa iyang batan-on nga dagway ug sosyal nga porma. Ang uban gani nagtuo nga 40-anyos pa lang siya, apan sa dihang nasayran nga 74 na diay, nangayo kini og kopya sa iyang birth certificate.
Si Yingzi adunay 45-anyos nga anak apan daghang netizens ang nagbinuang nga basin ang anak matod pa ang mas tigulang tan-awon nilang duha.
Matod sa lola, walay sekreto nga mahalon nga beauty products. Ang iyang sikreto mao ang disiplina—walay kaon human alas singko sa hapon, daghang utan ug sabaw, ug usa ka oras nga yoga matag buntag.
Moral lesson: dili diay edad ang sukdanan sa kabatan-onan—apan basin yoga, gulay ug paglikay sa kaon sa gabii.
Photo courtesy: Oddity Central
