Gipahibalo sa Department of Tourism (DOT) ang pagtudlo sa kanhi president ug chief operating officer sa Philippine Airlines (PAL) nga si Stanley Ng, isip bag-ong undersecretary sa ahensya.
Sa usa ka Facebook post sa DOT, giingon nga si Ng kauban sa ubang bag-ong opisyal nga nanumpa bag-o lang isip undersecretaries sa kagamhanan. Lakip usab sa mga bag-ong undersecretaries mao sila Maria Victoria Jasmin ug Maria Dionesia Rivera-Guillermo.
Matod sa DOT, ang kombinasyon sa kasinatian sa pribado ug publikong sektor sa mga bag-ong opisyal magdala og dugang kahibalo ug liderato aron mapalig-on ang mga programa sa turismo sa nasud, ug mapauswag pa ang kompetitibo, inklusibo, ug sustainable nga industriya sa turismo sa Pilipinas.
Siya kaniadto nagserbisyo isip presidente ug chief operating officer sa Philippine Airlines gikan sa Enero 2022.
Photo Courtesy: Business Mirror
