Mipasumbingay si Pope Leo XIV nga dili mahimong matawag nga tinuod nga Kristiyano ang usa ka tawo kung kini nagpalambo o nagsuporta sa gubat.
Gisulti kini sa Santo Papa atol sa iyang homiliya sa Sagrada Familia Basilica sa Barcelona, Spain, atubangan sa liboan ka mga magtutuo. Matod pa niya, dili mahimong motuo kang Hesus ang usa ka tawo samtang nagpatay sa mga inosente.
Gidugang usab niya nga ang mga Kristiyano dili angay nga mobiya o magpasagad sa mga tawo nga mikalagiw gikan sa kalisod ug kagubot sa ilang nasud.
Bisan wala siya maghisgot og ngalan, gihubad sa pipila ka mga tig-obserbar nga ang iyang pahayag mahimong may kalabutan sa posisyon sa administrasyon ni US President Donald Trump bahin sa mga kasamtangang panagbangi sa Middle East.
Gisaway usab ni Pope Leo XIV ang konsepto sa “just war,” nga iyang gihulagway nga karaan na ug dili na angay gamiton aron matarung ang armadong panagbangi.
Ang iyang mensahe nagtawag sa kalinaw, pagpanalipod sa mga inosente, ug pagtabang sa mga biktima sa kagubot ug kalisdanan.
Photo Courtesy : LA Times
