Moabot sa Pilipinas si German President Frank-Walter Steinmeier, alang sa usa ka opisyal nga state visit nga gikatakda sa Hunyo 15 ug 16, 2026. Personal siyang sugaton ni President Ferdinand Marcos Jr. sa Malacañang aron hisgutan ang pagpalig-on sa relasyon sa Pilipinas ug Germany.
Lakip sa mga gilauman nga hisgutan sa duha ka lider mao ang kooperasyon sa ekonomiya, kalakalan, pamuhunan, climate change, ug ang kaayohan sa mga Pilipinong trabahante, ilabi na kadtong nagtrabaho sa sektor sa panglawas sa Germany.
Ang maong pagbisita gituohang makapalig-on pa sa diplomatikong relasyon sa duha ka nasod, sunod sa pagbisita ni Pangulong Marcos sa Berlin niadtong 2024. Gilauman nga mag abli kini og dugang nga oportunidad sa kooperasyon tali sa Pilipinas ug Germany sa umaabot nga mga tuig.
Photo courtesy: middleeastmonitor
