Nagkasinabot ang mga sakop sa mayoriya sa Senado nga idonar ang usa ka bulan nila nga sweldo isip mga senador alang sa hinabang sa mga biktima sa magnitude 7.8 nga linog sa Mindanao.
Sa usa ka joint statement sa bag-ong mayoriya, nagpadayag ang grupo sa pagduyog sa mga pamilya ug komunidad nga nagpadayon sa pag-atubang sa rescue, relief, rebuilding, at recovery human sa kusog nga linog.
Matod pa nila, personal nga kontribusyon ang donasyon nga usa ka bulan nila nga sweldo aron matabangan ang mga apektadong lugar sa lainlaing probinsya sa rehiyon.
Giawhag usab sa mayoriya ang mga senador sa minority bloc nga moapil sa ilang inisyatiba isip pagpakita sa panaghiusa taliwala sa trahedya.
Niinsistir ang grupo nga panahon na kini aron ipakita ang pagpakabana bisan pa sa mga nagkalain-lain nga baruganan sa politika sulod sa Senado.
Igahin sa pagkaon, limpyo nga tubig, tambal, temporaryo nga kapuy-an, ug uban pang mga panginahanglanon ang matigom nga donasyon. Diin gitagana kini alang sa mga apektadong komunidad sigon sa determinasyon sa local nga mga awtoridad ug mga responders nga anaa sa ground.
Photo courtesy: Philstar
