Gilibkas na sa Department of Agriculture (DA) ang temporaryong pagbawal sa pag-import og manok ug langgam gikan sa nasud nga Argentina.
Subay kini sa pagkumpirmar sa mga awtoridad sa kahimsog sa hayopan sa Argentina nga nasulbad na ang kaso sa avian influenza virus ug wala nay dugang nganatakdan sa maong sakit.
Tungod sa naasoy nga deklarasyon, nabalik na ang disease-free status sa Argentina subay sa standard saWorld Organization for Animal Health. Gibalik pinaagi sa maong deklarasyon ang status nga wala’y sakit sa Argentina.
Segon sa Department Order No. 29, nga pinirmahan ni Agriculture Secretary Francisco Tiu Laurel Jr., gitugutan na ang pag-import sa domestic ug wild birds, poultry meat, day-old chicks, itlog, ug poultry semen gikan sa Argentina.
Tungod niini, gilauman nga makapahimulos niini ang mga integrators, mga breeder, ug mga tigproseso sa pagkaon nga nagsalig sa imported nga genetics ug raw materials nga gikinahanglan alang sa lokal nga produksyon sa mga manok.
Photo courtesy: da.gov.ph
