Naka-standby ang Philippine Emergency Medical Assistance Teams (PEMATs) sa Department of Health (DOH) sa Luzon ug Visayas aron magpatindog og field hospital sunod sa miigong kusog nga magnitude 7.8 nga linog sa Sarangani kagahapon, Hunyo 8,2026.
Sa usa ka pamahayag, ni Health spokesperson ug USec. Albert Domingo, nga daling gi-activate ang mga crisis protocol sa mga ospital sa DOH ug sa mga Center for Health Development regional offices.
Nipahigayon na usab og dinalian nga assessment (rapid assessment) sa kahimtang sa mga health facility sa DOH ug sa lokal nga kagamhanan aron maseguro nga luwas kini nga dalhan sa mga posibleng pasyente nga naapektuhan sa linog.
Andam na usab nga i-deploy ang health emergency response team sa mga ospital sa DOH ug sa mga Center for Health Development base sa dagan sa ground operations.
Nagpahinumdom usab ang opisyal sa DOH sa tanang anaa sa mga dapit nga naapektuhan sa linog nga mag-amping batok sa mga aftershock ug mosunod sa gipagawas nga tsunami warning.
Photo courtesy: Department of Health Philippines
