Giawhag ni City Council Moreno Daba IV ang mga ginikanan nga perming maminaw sa mga advisories ug perming alerto human sa nahitabong kusog nga linog kagahapong adlawa, Hunyo 8, 2026.
Sumala pa ni Konsehal Daba, kinsa chairman sab sa Committee on Education nga masabtan ang kalisang nga gibati sa tanan tungod sa kusog nga pagtay-og, busa nagpahigayon na ang City Engineering Office, Office of the Building Official ug uban pang ahensya og inspeksyon sa mga school buildings aron masiguro ang kaluwasan sa mga bata ug magtutudlo pagbalik sa klase.
Dugang sa Konsehal nga dili na bag-o ang nasinating linog labi pa nga nahimutang ang Pilipinas sa Pacific Ring of Fire. Tungod niini, regular ang ginahimong mga earthquake drills sa matag tulunghaan.
Nagatoo sab siya nga preparado ang mga tulunghaan sa susamang katalagman.
Photo courtesy: Cagayan de Oro City Information Office
