Nagpadayon gihapon ang shifting schedule sa klase sa Malaybalay City National Science High School sa Barangay Aglayan Campus tungod sa kakulang sa lawak-tunghaan ug pagsaka sa gidaghanon sa mga estudyante karong tuiga 2026-2027
Sa esklusibong pakighinabi sa Juander Radyo Malaybalay Matod ni Principal III Pastor P. Abejeula, gipatuman ang morning ug afternoon sessions aron ma-accommodate ang tanang enrollees. Ang morning session magsugod alas-6 sa buntag hangtod alas-12 sa udto, samtang ang afternoon session magsugod alas-12 sa udto ug matapos pasado alas-7 sa gabii.
Misaka sa 1,633 ang populasyon sa Junior High School gikan sa 1,550 sa miaging tuig. Sa Senior High School, adunay 669 ka estudyante gikan sa 730 kaniadto, apan padayon pa gihapon ang pagdawat og mga enrollees.
Gipasiugda usab sa administrasyon nga libre ang pagpa-enrol ug walay bisan unsang bayranan aron makasulod sa eskwelahan busa gi-awhag karon ang mga ginikanan nga ipa-enrol na ang ilang mga anak sa dili pa ang opisyal nga pagsugod sa klase sunod semana.
Samtang, giklaro usab sa eskwelahan nga ang Brigada Eskwela dili requirement alang sa mga estudyante, apan dako ang ilang pasalamat sa mga boluntaryo nga nagtabang sa pag-andam sa mga pasilidad alang sa bag-ong tuig-eskwela
