Gisiguro sa Malacañang nga dili makulangan sa ayuda ug pondo ang mga residente nga naapektuhan sa magnitude 7.8 nga linog nga miigo sa Mindanao.
Sumala ni Palace Press Officer Claire Castro, adunay igo nga pondo ang gobyerno, lakip na ang Quick Response Fund (QRF), aron matubag ang gilayon nga panginahanglan sa mga komunidad nga naapektuhan sa kalamidad.
Matod pa ni Castro, mahimong gamiton ang maong pondo alang sa pag-apod-apod sa relief goods, pagtukod sa mga evacuation center, search and rescue operations, ug paghatag og emergency medical assistance sa mga biktima.
Gibutyag usab ni Castro nga gimandoan na ni Presidente Ferdinand Marcos Jr. ang tanang may kalabutan nga ahensya sa gobyerno nga paspason ug hapsayon ang paghatod sa tabang ngadto sa mga naapektuhan sa linog.
Photo courtesy: abogado
