Nagpabilin sa red alert status ang RDRRMC Region 12 ug ang Emergency Operations Center aron masiguro ang padayon nga monitoring ug koordinadong response human sa kusog nga linog sa Soccsksargen. Sumala sa Office of Civil Defense Field Office XII, nakaabot na sa 562 ka aftershocks ang naitala alas 6:00 sa buntag, samtang padayon ang Rapid Damage Assessment and Needs Analysis (RDANA) sa mga apektadong lugar.
Nakaapekto ang linog sa 17,689 ka pamilya o 77,186 ka indibidwal gikan sa 41 ka barangay. Sa displacement, 4,393 ka pamilya o 8,116 ka indibidwal ang naapektuhan, diin 2,698 ka pamilya ang naa sa 23 ka evacuation centers, samtang ang uban nagpabilin sa gawas.
Sa kaswalti, na-validate ang 33 ka namatay, 456 ka samaran, ug 4 ka missing, samtang padayon pa ang beripikasyon sa LGUs. Nakita usab ang kadaot sa 19 ka dalan ug 9 ka tulay, kauban ang power interruption, water disruption, ug communication issues sa pipila ka lugar. Naapektuhan usab ang operasyon sa General Santos International Airport ug usa ka seaport.
Sa housing damage, 1,889 ka balay ang na-report nga nadaot, samtang gibanabana nga mokabat sa ₱979.5 milyon ang kadaot sa imprastruktura. Padayon ang response operations sa mga deployed search and rescue teams, RDANA teams, ug communication support units, samtang gipahimangnoan ang publiko nga magpabilin nga alerto tungod sa aftershocks.
