Mas pilion matod pa ni Claire Castro nga tawagon og “18 basurero” ang 18 ka bodyguard ni kanhing kongresista Zaldy Co imbis i-link sila sa Philippine Marines.
Kini human manawagan ang Armed Forces of the Philippines nga undangon na ang pag-ila sa maong grupo isip mga ex-Marines, human sila mipadayag og testimonya sa Senate hearing bahin sa flood control scandal.
Matod ni Castro, wala na sa aktibong serbisyo ang maong mga indibidwal sa dihang nahimo silang bodyguard ni Co, busa dili na angay idikit ang ilang mga aksyon sa institusyon sa militar.
Gihisgutan usab niya nga pwede sila tawagon og “18 maleta boys,” “18 kargador,” o “18 basurero,” apan mas angay unta sila tawagon isip “18 witnesses” o “18 bodyguards.”
Samtang, gikumpirma usab nga nakaabot na kang Ferdinand Marcos Jr. ang alegasyon nga may kalabotan sa giingong pagdala og mga maleta sa iyang balay sa Paoay, Ilocos Norte.
Photo Courtesy: Currentph.com
