Nadakpan ang usa ka babaye nga giingong miyembro sa Communist Terrorist Group (CTG) nga may kasong murder didto sa Barangay Nueva Vista, Sergio Osmeña, Zamboanga del Norte niadtong Hunyo 5, 2026.
Gihimo ang maong operasyon pinaagi sa hiniusang paningkamot sa 1st Zamboanga del Norte Provincial Mobile Force Company, Sergio Osmeña Municipal Police Station (MPS), Zamboanga del Norte Police Provincial Office ug 53rd Infantry Battalion sa Philippine Army.
Gidakop ang maong akusado pinaagi sa warrant of arrest alang sa kasong murder nga gipagawas sa Regional Trial Court Branch 9 sa Dipolog City.
Human nadakpan, gidala ang akusado ngadto sa kustudiya sa Sergio Osmeña Sr., Municipal Police Station alang sa tukmang disposisyon.
