Gibarugan ni Senador Raffy Tulfo, nga sila ang legal ug tinuod nga mayoriya o majority sa Senado, taliwala sa pagkuwestiyon ni Senate President Alan Peter Cayetano sa nahitabong pagbag-o sa liderato sa maong institusyon.
Sa usa ka interbyu, giingon ni Tulfo nga dili madawat ni Cayetano ang kapildihan ug ang kamatuoran nga wala na kini sa mayoriya. Matod pa niya, gusto kanunay ni Cayetano nga pabor sa iyang gusto ang mga mahitabo sa Senado, hinungdan nga nagpadayon kini sa pagkuwestiyon sa balhinan sa liderato.
Gipasabot usab ni Tulfo nga giila na sa House of Representatives ug sa Executive branch ang ilang grupo isip majority. Dugang pa niya, adunay mga desisyon sa Korte Suprema nga nagsuporta sa ilang gihimong mga lakang ug naghatag og legal nga basihan sa ilang posisyon.
Busa, gihingusgan sa senador nga wala siyay nakita nga problema sa legalidad sa ilang grupo, ug naglaom siya nga respetuhon sa tanan nga partido ang desisyon sa kadaghanan, aron mapadayon ang trabaho sa Senado ug ang pagserbisyo sa katawhan.
Photo Courtesy: wikipedia
