Nagpadayon ang Provincial Government of Cotabato sa paghatag og suporta sa sektor sa agrikultura, pinaagi sa pag-apod-apod og P17.45-M nga kantidad sa agricultural farm inputs alang sa 9,000 ka mag-uuma sa Probinsya.
Gipahigayon ang distribusyon sa Office of the Provincial Agriculturist sa Amas, Kidapawan City, diin gipanghatag ang mga liso sa mais ug utanon, abono, ug foliar fertilizers aron makatabang sa pagpalambo sa produksyon sa umahan.
Sumala sa mga opisyal, tumong sa programa nga mapataas ang ani sa mga mag-uuma, maminusan ang gasto sa pagpanguma, ug mapalig-on ang food security sa Probinsya.
Gilauman usab nga makatabang kini sa mga mag-uuma sa pagbangon gikan sa epekto sa mga peste, sakit sa tanom, ug uban pang mga hagit nga ilang giatubang sa sektor sa agrikultura.
Kabahin kini sa padayon nga mga programa sa provincial government aron mapalambo ang panginabuhian sa mga Cotabateño nga nag-agad sa pagpanguma.
Photo Courtesy: Provincial Goverment of Cotabato
