Gisaulog sa tibuok kalibutan kagahapong adlawa, Hunyo 5 tuig 2026, ang World Environment Day nga gipangulohan sa United Nations (UN). Tumong niini mao ang pagpasiugda sa pagkamahinungdanon sa pagpanalipod sa kinaiyahan ug pagpugong sa mga problema, sama sa polusyon ug climate change.
Isip bahin sa selebrasyon, nagkalain-lain nga mga nasud ang nagpahigayon og mga kalihukan, sama sa tree planting, coastal clean-up drives, ug mga kampanya sa pagpakunhod sa basura. Giduso usab sa UN ang aktibong partisipasyon sa mga komunidad, aron mapanalipdan ang kinaiyahan.
Gilauman sa mga otoridad nga pinaagi sa hiniusang paningkamot sa gobyerno, pribadong sektor ug katawhan, mas mapalig-on pa ang kinaadman sa pag-amuma sa kalibutan. Giingon nila nga ang matag gamay nga aksyon sa matag indibidwal, dako og kontribusyon sa pagpreserba sa kinaiyahan alang sa sunod nga henerasyon.
Photo Courtesy: The Economic Times
