Usa ka NBA fan ang gipahamtangan og lifetime ban human siya misulod sa hardcourt aron magkig-selfie kang Victor Wembanyama atol sa Game 1 sa NBA Finals.
Sumala sa report, nahitabo ang insidente sa ika-upat nga quarter sa duwa diin ang maong fan kalit nga midagan paingon sa playing court. Tungod niini, temporaryong nahunong ang duwa samtang girespondehan sa security personnel ang sitwasyon.
Ang fan dayon gikuha gikan sa Frost Bank Center, nga home court sa San Antonio Spurs.
Human sa insidente, gisusi sa NBA ang nahitabo ug gipahibalo nga ang maong indibidwal dili na tugotan nga motan-aw og live nga mga duwa sa liga sa bisan unsang NBA venue.
Ubos sa lokal nga mga regulasyon sa Texas, ang pagsulod sa mga restricted area sulod sa mga stadium ug sports venues mahimong mosangpot sa legal nga mga sangputanan.
Ang insidente nakapukaw og diskusyon sa social media mahitungod sa seguridad sa mga sports events ug sa mga lagda nga ginapatuman aron mapanalipdan ang mga magdudula ug mga nanan-aw
Photo Courtesy: Ronald Cortes/Getty Images NBA
