Gisaulog sa Kapamilya star nga si Kim Chiu ang iyang ika-20 nga anibersaryo sa industriya sa showbiz.
Pinaagi sa usa ka Instagram post sa maong aktres, nag-throwback ang aktres ug TV host sa iyang malampusong journey gikan sa pagka-simple nga babaye sa Sugbo hangtod sa nahimo nga usa sa pinakasikat nga star sa iyang henerasyon.
Nahinumdoman pa sa aktres nga gitudloan matod pa siya sa iyang inahan kaniadto nga mag-ampo para sa ilang mga damgo. Giangkon niya nga giampo niya ang samang mga butang nga para niya imposible kaayo sa una—lakip na ang makahuman sa pag-eskwela, makabaton og kaugalingong balay, ug makatabang sa iyang pamilya aron dili na mag sigeg pangayo og tabang sa uban.
Nagpasalamat si Kim sa iyang mga fans, sa mga brands nga misalig kaniya, sa ABS-CBN, ug labaw sa tanan, sa Ginoo nga nagtubag sa iyang mga pag-ampo ug nag-usab sa iyang kinabuhi.
Photo Courtesy: Kim Chiu file photo
