Nadakpan sa mga personahe sa Governor Generoso Municipal Police Station (MPS) nga gipangunahan ni PCPT Jerome D. Bueno, Officer-in-Charge, ang usa ka 42-anyos nga wanted person sa Governor Generoso, Davao Oriental niadtong nakalabay nga adlaw.
Ang operasyon gihimo sa hugot nga koordinasyon sa PIDMU-DOPPO Provincial Tracker Team ug gibase sa verified information nga nahipos pinaagi sa intelligence monitoring ug community sources.
Human sa mabinantayon nga pagplano, pag-surveillance, ug pag-validate sa impormasyon, ang mga operating personnel nakahimo sa pagtino sa nahimutangan sa suspetsado ug dali kining gidakop.
Ang suspek nadakpan pinaagi sa pagpatuman sa Warrant of Arrest nga giisyu sa korte alang sa duha (2) ka ihap sa kasong Acts of Lasciviousness maykalabotan sa Section 5(b) sa Republic Act No. 7610 kun “Special Protection of Children Against Abuse, Exploitation and Discrimination Act.”
Sa pagkakaron ang dinakpan anaa na sa kustodiya sa Governor Generoso Municipal Police Station alang sa tukmang disposisyon.
Photo Courtesy: Philstar.com
