Natumba ang usa ka truck sa sidlakang bahin sa Afghanistan nga niresulta sa kamatayon sa 18 ka mga indibidwal nga sakay niini diin lakip 10 ka mga bata.
Matod sa mga awtoridad sa nasud sa Afghanistan nga kasagaran ang makamatay nga aksidente sa karsada gumikan kini sa dili maayong kahimtang sa mga dalan ug ang kakuwang sa igo nga regulasyon.
Ang trak nagkarga og mga pamilyang Afghan nga namalik gikan sa Pakistan, diin sila nagpuyo kaniadto, matod ni Abdul Malik Niazay, tigpamaba sa gobernador sa probinsiya sa Laghman.
Nahitabo ang aksidente sa dalan nga nagsumpay sa Jalalabad sa sidlakang Afghanistan ug sa kaulohan nga Kabul.
Gipalig-on sa mga awtoridad sa Pakistan ang ilang mga polisiya batok sa mga migranteng Afghan ug mga refugee nga nagpuyo sa ilang nasud, hinungdan sa pagdagsa sa mga namalik nga kasagarang naglakip og tibuok pamilya nga nagbiyahe.
Sukad sa pagsugod sa tuig, mokabat sa 447,400 ka mga Afghan ang namalik gikan sa Pakistan, sumala sa datos sa United Nations High Commissioner for Refugees (UNHCR) ug sa International Organization for Migration (IOM)
Photo courtesy: GULF news
