Gipaila ni Senadora Imee Marcos ang P.S. Resolution No. 418 aron mapahigayon ang usa ka lawom ug pormal nga imbestigasyon sa giingong $10 milyon nga donasyon nga gisaad sa gobyerno sa Pilipinas ngadto sa World Health Organization (WHO) pinaagi sa Department of Health (DOH).
Sumala sa senadora, importante nga masiguro nga ang maong pondo legal, makatarunganon, ug miagi sa hustong proseso sa pag-apruba ug pagsusi sa dili pa kini igahin ngadto sa usa ka internasyonal nga organisasyon.
Gidugang pa ni Marcos nga ang transparency ug accountability sa paggamit sa pondo sa gobyerno kinahanglan magpabiling prayoridad aron mapanalipdan ang interes sa katawhan.
Photo courtesy: Philippine News Agency
