Gipanawagan ni Presidente Ferdinand “Bongbong” Marcos Jr. ang mga senador nga mobalik na sa ilang trabaho human maputol ang plenary sessions sa Senado tungod sa giingong “no show” sa majority bloc.
Sa usa ka ambush interview gipahayag sa Presidente nga ang padayon nga pagkaparalisa sa sesyon nakaapekto sa pagpasa sa mga importanteng balaod nga gikinahanglan sa publiko.
“Get back to work. Get back to work because it’s important, ang dami nating kailangang gawin,” matod ni Marcos.
Gisaway usab niya ang kahimtang sa Senado nga iyang gihulagway nga naa sa “disarray,” ug miingon nga nakaapekto kini sa kredibilidad sa liderato ug sa padayon nga legislative process. Dugang sa pangulo nga wala siya kasabot ngano nga ang lehislatura mopahunong sa ilang trabaho.
Matod sa Presidente, ang Executive ug Judiciary nagpadayon sa ilang trabaho, busa wala’y rason nga mapugngan usab ang trabaho sa lehislatura.
Giingon usab niya nga ang bisan unsang pagkansela sa sesyon kinahanglan adunay lig-on nga rason ug hustong proseso sa pagpaabot ngadto sa laing chamber.
Padayon nga ginahisgutan sa Senado ang internal nga isyu sa majority ug minority blocs, samtang nagpadayon ang panawagan sa publiko alang sa mas lig-on ug tuloy-tuloy nga legislative work.
Photo Courtesy:PCO
