Misamot ang tensyon tali sa Estados Unidos ug Iran human sa drone strike sa Kuwait International Airport nga mikalas sa isa ka Indian national ug naangol ang kapin 60 ka mga indibidwal.
Gikondena sa Kuwait ang maong pag-atake ug gihulagway kini nga agresyon sa Iran. Sa laing bahin, giangkon sa Islamic Revolutionary Guard Corps (IRGC) nga balos kini sa giingong mga aksyon militar sa Amerika batok sa mga target sa Iran.
Samtang nagpadayon ang panagbangi, gikumpirma sa U.S. Central Command nga adunay mga missile ug drone nga gilunsad sa Iran padulong sa Kuwait ug Bahrain, apan kadaghanan niini nababagan sa mga pwersa sa Amerika ug mga kaalyado niini.
Ang sunod-sunod nga mga insidente nagdugang sa kabalaka sa internasyonal nga komunidad sa posibleng paglala pa sa sigalot sa rehiyon.
Photo Courtesy: CGTN
