Gisugdan na sa gobyerno ang pagtukod sa unang strategic petroleum stockpile sa Pilipinas aron mapalig-on ang seguridad sa suplay sa lana taliwala sa nagpadayon nga tensyon sa Middle East.
Matod ni Energy Secretary Sharon Garin, tumong sa maong proyekto nga mapanalipdan ang nasud gikan sa posibleng kakulang sa suplay ug pagsaka sa presyo sa petrolyo tungod sa mga panagbangi sa gawas sa nasud.
Ubos sa plano, ang Philippine National Oil Company (PNOC) maoy mangulo sa pagtukod sa mga pasilidad alang sa pagtipig sa reserbang lana nga molabaw sa kasamtangang imbentaryo sa mga pribadong kompanya.
Gibanabana nga mokabat sa 500,000 ka bariles ang unang itigom nga reserbang lana sa nasud.
Photo Courtesy: ABS-CBN
