Nagpahayag og dakong kabalaka si Sara Duterte sa mga panghitabo karon sa nasud. Matod ni VP Sara, klaro kaayo nga gigamit karon ang mga institusyon sa gobyerno ug ang kwarta sa katawhan batok sa mga tawo nga adunay laing panglantaw o dili mouyon sa administrasyon.
Dugang pa niya, imbes nga tutokan ang tinuod nga mga problema sa nasud, gigamit matod pa ang gahum aron pahilumon ang mga kritiko sa gobyerno.
Gipasiugda usab sa bise presidente, nga angay panalipdan ang mga institusyon sa gobyerno, dili lamang ang Senado ug ang Kamara, kondili usab ang matag senador ug kongresista.
Nagpabiling lig-on ang iyang baruganan nga kini nga mga lihok gihimo sa administrasyon aron matabonan ang giingong mga iregularidad sa mga proyekto sa flood control ug aron mapahawa siya sa posisyon samtang giduso ang charter change o pag-usab sa Konstitusyon.
Photo Courtesy: Simple Wikipedia
