Nagpadayon karon ang Brigada Eskwela 2026 sa Nabunturan Central Elementary School SPED Center, Davao De Oro sugod niadtong June 1 hangtod June 5, nga mahuman pinaagi sa usa ka closing program sa katapusang adlaw.
Sumala ni Principal III Marilyn R. de los Reyes, atol sa pag-interview sa Juander Radyo News Team nga daghang ginikanan ang mitubag ug aktibong nakigbahin sa mga buluhaton alang sa preparasyon sa opening of classes karong June 8.
Samtang gipadayag usab sa eskwelahan nga nakahimo na sila og rewiring pinaagi sa tabang sa Local Government Unit ilalom sa liderato ni Mayor Myrocel Balili.
Gipadala sa LGU ang mga electrician, samtang ang PTCA naghatag usab og mga materyales sama sa electrical wires, bulbs, ug outlets aron mapalambo ang electrical safety sa eskwelahan.
Dugang pa ni Principal de los Reyes, gihangyo nila ang mga ginikanan nga motabang bisan half day lamang sa Brigada Eskwela activities aron mahuman dayon ang mga trabhuunon sa tunghaan .
Gipasiugda usab sa eskwelahan nga mas gipili nila ang serbisyo kaysa cash donations. Lakip sa mga buluhaton mao ang pagpanglimpyo sa mga classrooms, pagpintura sa mga lingkuranan ug mga dingding, pag-ayo sa palibot, ug pagtanum sa mga bulak ug gulayan sa eskwelahan.
