Mius-os og gamay ang outstanding stock sa utang sa nasud ngadto sa 18.47 trilyon ka pesos sa katapusan sa Abril.
Sumala sa Bureau of the Treasury, kini nagrepresentar sa 0.09 porsyento nga pagkunhod gikan sa record-high nga 18.49 trilyon ka pesos nga natala niadtong bulan sa Marso. Giingong kini ang unang higayon nga mius-os ang utang human sa sunod-sunod nga pagsaka niini ngadto sa bag-ong mga peak.
Giingong ang maong pagkunhod tungod sa pagbayad sa gobyerno sa mga domestic securities, nga nakapugong usab sa epekto sa nagkahuyang nga balor sa peso.
Hinuon, kung itandi sa samang bulan sa miaging tuig, mas taas gihapon kini og (10.3) porsyento gikan sa (16.75) trilyon ka pesos. Sa kasamtangan, ang utang sa nasud miabot na sa dul-an (97) porsyento sa (19.06) trilyon ka pesos nga giplanohang limitasyon o kantidad sa gobyerno alang ning tuiga 2026.
Sa kinatibuk-ang utang, 67.2 porsyento niini ang utang sa sulod sa nasud o domestic debt nga anaa sa 12.41 trilyon ka pesos, samtang ang nahabiling 32.8 porsyento nagrepresentar sa mga obligasyon sa langyaw o foreign debt
Photo Courtesy: Manila Bulletin
