Pormal nang gitangtang sa House of Representatives si Cavite 4th District Representative Kiko Barzaga.
Sumala ni Ethics Committee Chairman JC Abalos, nakita sa komite nga nakalapas si Barzaga sa saktong taras ug pamatasan nga angay ipakita sa usa ka miyembro sa Ubos-Balauranan.
Lakip sa mga hinungdan nga gilista batok kaniya mao ang balik-balik nga pag-interupt o pagsamok-samok sa mga plenary session, pagbiay-biay sa liderato ilabina ngadto kang kanhi House Speaker Martin Romualdez, ug ang dili otorisado ingonman maka-uulaw nga pag-live broadcast samtang nagpahigayon og budget plenary sessions.
Sa wala gihimo ang botohay, gilauman na ni Barzaga nga hingpit siyang matangtang sa pwesto. Sa dihang gibasa ang resulta, kapin sa two-thirds (2/3) o 265 ka mga magbabalaod ang mibotar ug mipabor sa nahitaboang findings sa House Ethics Committee Report.
Kahinumduman nga sa miaging mga buwan, kaduha na gipahamtangan og tag- 60 ka adlaw nga suspensyon ang 27 anyos nga si Barzaga tungod sa mga post niini sa social media nga nag-akusar og nagkadaiyang krimen batok sa iyang mga kaubang magbabalaod ug pipila ka mga taas nga opisyal sa gobyerno
Photo Courtesy: Kiko Barzaga FB
