Nagpahigayon ug water rationing activity sa Rural Health Unit sa Caraga, Davao Oriental ang mga personahe sa BFP – Caraga Fire Station agig tubag sa nagpadayong kanihit sa tubig nga nakaapekto sa munisipyo.
Ang maong kalihokan nagtumong sa paghatag ug igong suplay sa tubig alang sa inadlaw-adlaw nga operasyon sa pasilidad sa panglawas, ilabina sa sanitasyon, pag-atiman sa pasyente, ug uban pang kritikal nga mga gimbuhaton.
Kini nga inisyatiba nagpakita sa pasalig sa mga personahe sa BFP Caraga sa paghatag og tabang ug pagsuporta sa mga panginahanglan sa komunidad sa panahon sa kalisdanan.
Padayon usab ang pasalig sa BFP sa ilang misyon sa pagpanalipod sa mga kinabuhi ug mga kabtangan aron nga mapadayon ang kaluwasan sa tanan.
Photo Courtesy: BFP – Caraga Fire Station
