Gidala na sa Quezon City Jail – Male Dormitory sa Payatas si Senador Jinggoy Estrada ug tulo niya ka co-accused human giisyu ang warrant of arrest sa Sandiganbayan 5th Division. Sila giakusahan ug graft ug plunder nga may kalabotan sa flood control scandal.
Sumala sa Bureau of Jail Management and Penology (BJMP), ang mga akusado gipadala sa jail facilities niadtong Lunes sa gabii. Giingon sa BJMP nga ang tanan miagi sa medical screening ug gibutang sila sa regular nga PDL o persons deprived of liberty population.
Giklaro usab sa BJMP nga walay VIP treatment nga ihatag bisan kinsa sa mga detainee. Pareho ra sila og mga rules ug security measures sama sa ubang preso sa pasilidad. Kahibaloan nga ang kaso nalambigit sa kapin ₱573 milyon ang gisang-at nga plunder ug graft charges.
Sa laing bahin, si Estrada nihimakak sa tanang akusasyon ug miingon nga mosunod siya sa proseso sa korte kalabot sa kaso.
Photo Courtesy:Vienelyn Rahman
