Isip kabahin sa pagsaulog sa Scoliosis Awareness Month 2026, naglunsad ang Malaybalay Physical Therapy and Rehabilitation Unit og libreng scoliosis screening aron mapalambo ang kahibalo sa publiko bahin sa maong kondisyon ug ang importansya sa sayong pagpakita ug pagtambal niini.
Kahibaloang ang scoliosis usa ka kondisyon diin adunay dili normal nga pagkakurba sa bukobuko.
Sumala sa mga eksperto, ang sayong pag-ila sa maong kondisyon makatabang sa pagpugong sa paglala niini ug makahatag tukmang pag-atiman pinaagi sa rehabilitasyon ug terapiya.
Alayon niini, gidapit sa ahensya ang mga bata, kabatan-onan, ginikanan, ug uban pang miyembro sa komunidad nga mopahimulos sa libreng screening aron mas mahibal-an ang kahimtang sa inyong spinal health ug makat-on sa hustong pamaagi sa pag-atiman sa bukobuko.
Ginahimo ang maong libreng scoliosis screening sa Malaybalay Physical Therapy and Rehabilitation Unit nahimutang sa Barangay 8, ning dakbayan, matag Lunes hangtod Biyernes gikan alas-8:00 sa buntag hangtod alas-5:00 sa hapon sulod sa tibuok bulan sa Hunyo 2026.
Ang tema karong tuiga: “Straight Spine, Strong Future: Early Detection Matters.
Photo Courtesy: City Health Office – Malaybalay
