Mobalik na sa normal nga working schedule ang mga opisina sa Cagayan de Oro City Hall sugod karong semanaha, sumala pa ni Mayor Rolando “Klarex” Uy.
Matod sa mayor, gikan alas-8 sa buntag hangtod alas-5 sa hapon ug Lunes hangtod Biyernes na usab ang opisyal nga oras sa trabaho sa lokal nga kagamhanan.
Gipasabot ni Mayor Uy nga nakakita sila nga naka-adjust na ang kadaghanan sa mga empleyado ug residente sa pagdumala sa ilang mga galastuhan, lakip na ang gasto sa krudo ug uban pang panginahanglanon.
Dugang pa niya, ang pagbalik sa regular nga iskedyul makatabang usab sa mga ginikanan ug pamilya sa pag-akomodar sa ilang mga buluhaton ilabina karon nga nagsugod na ang klase sa mga eskwelahan.
Gilauman sa lokal nga kagamhanan nga pinaagi niini, mas mahimong hapsay ug episyente ang paghatag og serbisyo publiko ngadto sa mga Kagay-anon.
Photo courtesy: Cagayan de Oro City Information Office
