Padayon ang kabalaka sa tibuok kalibutan sa nagpadayon nga gubat sa Ukraine samtang mitaas ang tensyon sa seguridad sa Europa. Ang alyansa nga North Atlantic Treaty Organization (NATO), nagpahibalo nga adunay nahitabo nga pagbagsak sa usa ka drone nga gituohang gikan sa Russia sa nasud nga Romania.
Sumala sa report, ang maong insidente, usa sa pinakagrabe nga panghitabo duol sa utlanan sa NATO, sukad nagsugod ang gubat, nga nakapukaw og bag-ong kahadlok sa posibleng paglala pa sa sitwasyon sa rehiyon. Ang mga nasud sa Europa, nagpadayon sa pagbantay ug pagpalig-on sa ilang depensa.
Ang nagpadayon nga kagubot nga adunay kalabutan sa Russian invasion of Ukraine, nagpabiling dakong isyu sa internasyonal nga komunidad nga nagdasig sa mas hugot nga panaghiusa sa mga alyado, ug padayon nga panawagan alang sa kalinaw.
Photo Courtesy:france 24/ Fox news
