Gipagawas na ang bag-ong datos sa ekonomiya nga nagpakita og nagkadaiyang performance sa global manufacturing ug trade. Sumala sa report, adunay mga nasod nga nakasinati og pag-uswag sa produksyon, samtang ang uban, nagpabiling hinay tungod sa epekto sa inflation ug mga kausaban sa supply chain.
Matod sa mga ekonomista, ang kalibutanong industriya sa manufacturing, padayon pa nga nag-adjust, human sa sunod-sunod nga krisis sa ekonomiya. Ang taas nga presyo sa mga materyales ug kalisod sa transportasyon, maoy nakapahinay sa operasyon sa pipila ka sektor.
Bisan pa niini, adunay mga positibong indikasyon sa pipila ka rehiyon nga nagpakita og pagbalik sa kusog nga produksyon ug kalihukan sa pamatigayon. Gilauman sa mga eksperto nga mousbaw pa ang global trade, kung magpadayon ang pag-stabilize sa ekonomiya sa sunod nga mga bulan.
Photo Courtesy:Automation.com
