Nagpasidaan ang Iran nga mahimong mabutang sa peligro ang kasamtangang ceasefire agreement kung magpadayon ang Israel sa mga airstrike sa Beirut, Lebanon.
Sumala kang Iranian Foreign Minister Abbas Araghchi, ang kasabutan sa pagpahunong sa panagbangi naglangkob sa tibuok rehiyon, lakip ang Lebanon, ug ang bisan unsang paglapas niini mahimong makaapekto sa tibuok kasabutan.
Ang pamahayag misunod sa paglusad sa Israel og mga airstrike sa Dahieh district sa Beirut, nga giingong target sa mga lugar nga adunay kalabotan sa Hezbollah.
Samtang nagpadayon ang tensyon, gipadayag ni U.S. President Donald Trump nga nakigkoordinar gihapon siya sa nagkalain-laing panig aron mapadayon ang ceasefire ug malikayan ang mas dako pang panagbangi sa rehiyon.
Photo Courtesy: Radio Canada
