Gipahibalo sa Department of Energy (DOE) nga lig-on ug igo ang suplay sa liquefied petroleum gas (LPG) sa nasud human sa pag-abot sa dugang 21,000 metriko tonelada nga LPG importasyon.
Sumala kang Energy Undersecretary Sandy Sales, padayon ang pagdiskarga sa mga miabot nga LPG sa pantalan sa Calaca, Batangas aron masiguro ang walay hunong nga distribusyon sa merkado.
Gibutyag usab sa DOE nga adunay kasamtangang imbentaryo nga makatubag sa panginahanglan sa nasud sulod sa 42 ka adlaw. Ang bag-ong shipment gilangkuban sa propane ug butane nga gikan sa Texas, Estados Unidos.
Pinaagi niini, gilauman sa DOE nga magpabiling lig-on ang suplay sa LPG bisan pa sa mga panghitabo sa internasyonal nga merkado.
Photo Courtesy: Shivgas
