Giaprobahan sa Digos City Council, ang paghatag og cash incentives sa mga Atletang Digoseño nga nakadaog sa Palarong Pambansa 2026 sa Agusan del Sur.
Sa ika-43 nga Regular Session sa konseho nga gipangulohan ni Vice Mayor Atty. Johari Baña, gipahibalo ni Konsehal Liza Maravillas Cagas nga makadawat og ₱25,000 ang gold medalists, ₱20,000 ang silver medalists, ug ₱15,000 ang bronze medalists.
Gipasidunggan usab sa konseho ang mga atleta, coaches, magtutudlo ug ginikanan alang sa ilang kontribusyon sa kalampusan sa delegasyon sa Digos City.
Samtang, giaprubahan usab ang mga resolusyon nga nagpasidungog sa Digos City Government sa pagkadawat og “Unmodified Opinion” gikan sa COA ug ang Supplemental Budget sa Barangay Zone II, Digos City.
