Namatay sa edad nga 79-anyos ang Hall of Fame basketball coach nga si Rick Adelman, usa sa labing malampusong coach sa kasaysayan sa NBA.
Sulod sa 23 ka seasons isip head coach, nakarekord si Adelman og 1,042 ka daog, nga nagbutang kaniya sa ika-10 nga dapit sa NBA all-time coaching wins list. Nailhan siya sa iyang malampusong pagdumala sa Portland Trail Blazers, diin iyang gidala ang koponan ngadto sa NBA Finals niadtong 1990 ug 1992.
Nagdumala usab siya sa Golden State Warriors, Sacramento Kings, Houston Rockets, ug Minnesota Timberwolves. Sulod sa iyang karera, 16 ka beses nga nakaabot sa playoffs ang iyang mga team.
Gipasidunggan si Adelman pinaagi sa iyang pagsulod sa Naismith Memorial Basketball Hall of Fame niadtong 2021 ug pagdawat sa Chuck Daly Lifetime Achievement Award niadtong 2023.
Sa ilang pahayag, gihulagway sa Portland Trail Blazers si Adelman isip usa ka legend sa prangkisa ug usa sa labing respetadong personalidad sa kalibutan sa basketball.
Wala pa gipahibalo sa mga awtoridad ang hinungdan sa iyang kamatayon.
Photo Courtesy: NBA.com
