Gisugdan na sa Bukidnon National High School (BNHS) karong semanaha ang Brigada Eskwela isip kabahin sa National School Maintenance Week nga gipahigayon sa Department of Education (DepEd) alayon sa pagsugod sa klase karong Hunyo 8, 2026.
Sa ekslusibong pakighinabi sa Juander Radyo Malaybalay ngadto kang BNHS Administrative Officer Almaco Filimon Villanueva, gibutyag nga daghang ginikanan ug estudyante ang boluntaryong mitabang sa paglimpyo ug pag-ayo sa eskwelahan.
Gihangyo karon ang mga ginikanan nga makiglambigit sa Brigada Eskwela lakip ang pagmonitor sa pag-eskwela sa ilang mga anak.
Samtag ubos sa “No Collection Policy,” gidawat lamang sa tunghaan ang boluntaryong donasyon sa mga gamit ug dili cash
Sa pikas bahin gilauman sa BNHS nga moabot sa kapin 9,000 ka estudyante karong school year 2026-2027, busa magpadayon gihapon ang implementasyon morning ug afternoon shifts.
Sumala pa ni Villanueva, nadugangan ang mga pasilidad sa eskwelahan pinaagi sa walo ka classroom nga donasyon sa Security Bank Foundation ug unom ka classroom nga proyekto sa DPWH.
