Nadakpan sa mga personahe sa Cateel Municipal Police Station, kauban ang mga sakop sa PDEU DOPPO ug lain pang mga operatiba ang usa ka drug suspek atol sa gikasang buy-bust operation pasado ala 01:30 sa kadlawon niadtong Mayo 31, 2026 didto sa Sitio Papag, Brgy. San Rafael, Cateel, Davao Oriental.
Giila ang suspetsado nga si alyas “Jan-Jan”, 24-anyos, single, walay trabaho ug lumolopyo sa Sitio Lambog, Barangay San Alfonso sa maong munisipyo.
Atol sa operasyon narekober gikan sa dinakpan ang usa (1) ka heat-sealed nga plastic sachet nga adunay sulod sa gituohang shabu, usa (1) ka PHP 500 nga buy-bust money nga adunay serial number QO50329 ug lain pang duha (2) ka pakete sa gidudahang shabu.
Gipahibalo usab ang suspek panahon sa iyang pagkasikop pinaagi sa pinulongan nga iyang nasabtan ug nahibal-an. Sa kasamtangan ang akusado gikustodiya na sa Cateel Municipal Police Station ug mag atubang sa kasong paglapas sa RA 9165 kun Comprehensive Dangerous Drugs Act of 2002.
Photo Courtesy: Cateel MPS
