Gilunsad sa nasyonal nga gobyerno ang usa ka independent Truth and Reconciliation Commission, aron imbestigahan ang mga insidente sa pagpamatay nga nalambigit sa kampanya kontra ilegal nga droga sa miaging administrasyon. Tumong sa komisyon nga masuta ang kamatuoran ug mapalig-on ang hustisya alang sa mga naapektuhan nga pamilya.
Pangunahan ang maong imbestigasyon sa kanhing International Criminal Court o ICC Judge nga si Raul Pangalangan. Matod sa gobyerno, independenteng molihok ang komisyon, aron masiguro nga patas ang pag-imbestiga sa mga kaso.
Gilauman usab nga makahatag kini og rekomendasyon alang sa posibleng legal nga aksyon ug mga reporma sa sistema sa pagpatuman sa balaod sa nasud. Samtang, mipahayag ang pipila ka sektor og suporta sa maong lakang, aron matabangan ang mga biktima ug ilang pamilya nga makab-ot ang hustisya.
Photo Courtesy: inquirer.net
