Nagsugod na og pagpanghatag sa 10 kilos nga bugas ang national government sugod kagahapong adlawa, Mayo 29, 2026, pinaagi sa Local Government Support Fund o LGSF nga gipangulohan sa Cotabato Provincial Government didto sa lungsod sa Kabacan, Cotabato.
Kapin trayentay-dos mil ka panimalay gikan sa 17 ka barangay sa maong lungsod ang benepisyaryo sa duha ka adlaw nga distribusyon sa bugas hangtod karong adlawa, Mayo 30 ning tuiga. Ang maong ayuda, adunay kinatibuk-ang kantidad nga P10.6 mllion pesos ug kabahin kini sa P169 million pesos nga Food Assistance Program alang sa mga Cotabateño, uban sa suporta sa National Food Authority o NFA.
Matod pa Gobernadora Emmylou Taliño-Mendoza, dako kini nga tabang, aron makunhoran ang kabug-aton nga gibati sa mga pamilya, tungod sa padayon nga pag-usbaw sa presyo sa mga palaliton ug sa produktong pangkonsumo nga epekto usab sa pag-usbaw sa presyo sa petrolyo.
