Nag-react ang Filipino tennis star nga si Alex Eala, nga nalakip siya sa listahan sa Forbes 30 Under 30 Asia 2026. Nabutang si Alex sa listahan ubos sa Entertainment & Sports category. Sumala sa Forbes, ang kategorya nagpasiugda sa sunod nga henerasyon sa talento – sa court ug sa screen. Sa iyang Instagram Stories, si Alexa misulat nga pasalamat sa pagsalig kaniya.
Sa feature niini, gipasiugda sa Forbes ang iyang talagsaong mga kalamposan sa tennis, lakip na ang iyang paglusot sa Women’s Tennis Association (WTA) Top 50 niadtong 2025. Namatikdan usab sa magasin, kon giunsa niya paghimo ang kasaysayan isip unang Pinay nga nakapildi, sa duha ka Top 10 players sa Miami Open niadtong Marso 2025, ug nakadaog og Grand Slam singles main-draw match sa Agosto 2025 Open sa U.S.
Gawas kang Alex, ang Filipino singer nga si Zack Tabudlo nihimo sab sa listahan ubos sa Entertainment & Sports category. Si Alex bag-o lang nakigtigi sa French Open nga gipahigayon sa Roland-Garros Complex sa Paris niadtong Mayo 26. Bisan pa sa sayo nga exit, nagpabiling positibo ang Filipina tennis star, nga nagkanayon nga ang iyang kapildihan sa suod nga higala nga si Iva Jovic maoy magtukmod kaniya sa pagpataas sa iyang duwa.
Si Alex Eala namalandong sa Miami Open journey, mapasigarbuhon nga morepresentar sa PH sa global tennis stage. Ang Pinay tennis star misulti usab mahitungod sa kabililhon sa panaghigalaay sa mga batan-ong magduduwa samtang sila naglawig sa mga hagit sa kinabuhi sa paglibot ug ilang mga karera.
Photo Courtesy: PEP
