Sugdan na sa Pilipinas ug Japan ang negosasyon alang sa usa ka kasabutan aron mapalig-on ang pagbayloay og impormasyon sa militar ug depensa tali sa duha ka nasud.
Sumala ni Presidente Ferdinand Marcos Jr., kini usa ka importante nga lakang aron mas mapalig-on ang seguridad sa kadagatan ug mapalig-on ang kooperasyon batok sa nagkagrabe nga tensyon sa rehiyon.
Sa samang higayon, gipahibalo ni Japan Prime mInister Sanae Takaichi nga ang Japan mohatag sa Pilipinas og barkong panggubat, lakip ang hangtod sa unom ka Abukuma-class destroyer escort ships.
Gikumpirma usab sa duha ka hanay nga ilang palapdan pa ang kooperasyon sa depensa ug armas aron mapalig-on ang seguridad ug surveillance sa dagat.
Giingon sa Presidente nga ang Pilipinas ug Japan mopalapad pa sa kooperasyon sa artificial intelligence, enerhiya, pagpalambo sa kawanangan, agrikultura, ug ang suplay sa mga importanteng produkto.
Gisuportahan usab sa Japan ang kandidatura sa Pilipinas alang sa usa ka lingkuranan sa United Nations Security Council (UNSC).
Photo Courtesy: Wikipedia
