Nagpadayon ang police visibility ug anti-illegal drug operations sa Nabunturan Municipal Police Station aron mapadayon ang kalinaw ug kahapsay sa ilang area of responsibility.
Sumala ni PLTCOL Gomersendo L. Diwata II, Chief of Police sa Nabunturan MPS, atol sa pagkighinabi sa Juander Radyo News Team nga epektibo ang ilang gipahigayon nga foot patrol, motorcycle patrol, mobile patrol, ug sectorized deployment sa kapulisan nga gibahin sa tulo ka sektor sa Barangay New Sibonga, Barangay Manat, ug Poblacion.
Dugang pa niya, dako ang pasalamat sa kapulisan sa kooperasyon sa mga local government officials ug barangay officials nga aktibong nagreport sa mga indibidwal nga nalambigit sa ilegal nga droga.
Giingon usab sa opisyal nga ilang gina-validate ang tanang impormasyon ug dayon nagpatuman og monitoring ug surveillance operations aron makumpirma ang mga report.
Tungod niini, daghan sa mga gipang-report ang napamatud-ang positibo ug naaresto sa operasyon sa kapulisan. Sa pagkakaron, ang mga nadakpan anaa na sa kustodiya sa police station alang sa hustong proseso.
